EES samningurinn heldur ekki þegar "hagsmunir" ESB eru annars vegar!!!!!!!!

ESB sýnir sitt rétta andlit gagnvart okkur Íslendingum, við skiptum ekki máli þegar hagsmunir ESB eru ekki í fyrirrúmi.

Segjum bless við ESB og Schengen!!!!!!!

Sölubann ESB brot á EES-samningnum

Athugasemdir

[Þorsteinn Siglaugsson, 19.3.2020 kl. 14:22]

Hvernig veistu að samningurinn haldi ekki? Er ekki réttara að bíða með fullyrðingarnar þar til málið er komið á hreint?

[Guðmundur Ásgeirsson, 19.3.2020 kl. 15:03]

Þeir sem telja þetta vera tilefni til að kalla eftir uppsögn EES samningsins verða að gera sér grein fyrir því að án hans væri þetta ekki brot og ekkert sem við gætum sagt við því.

[Tómas Ibsen Halldórsson, 19.3.2020 kl. 16:13]

Það er nú furðulegt að halda því fram að við þurfum að vera í EES til þess að geta sýnt fram á að við höfum ekkert þar að gera.

Nóg er að sjá framferði ESB gagnvarg ríkjum innan sambandsins s.s. hvernig komið er fram við Ítalíu þegar þeir fóru fram á að fá hlífðarbúnað og þeim hafnað, og Grikki í efnahagskreppu þeirra á sínum tíma. Við erum ekkert eftirlæti ESB meðan við göngum ekki þar inn og þó látum við allt of mikið eftir yfirgangi þeirra.

ESB er ekki bandalag samhentra þjóða, heldur samband sundraðra þjóða.

[Guðmundur Ásgeirsson, 19.3.2020 kl. 16:25]

Ég var ekki að halda neinu slíku fram, heldur benda á að án EES samningsins gætum við ekkert kvartað yfir þessu sölubanni, en vegna hans getum við hnekkt því sem ólöglegu.

[Tómas Ibsen Halldórsson, 19.3.2020 kl. 16:29]

Gott mál Guðmundur. Nú skulum við vona að Gulli hafi kjark til að láta í sér heyra suður til ESB, hann þorði alla vega að láta í sér heyra vestur yfir haf.

[Guðmundur Ásgeirsson, 19.3.2020 kl. 23:44]

Stjórnarráðið | ESB nemur úr gildi útflutningsbann á lækningavörum til EFTA-ríkjanna

Evrópusambandið hefur fallist á sjónarmið Íslands og annarra EFTA-ríkja innan EES og fallið frá útflutningsbanni til EFTA-ríkjanna á tilteknum hlífðarbúnaði sem notaður er í störfum heilbrigðisstarfsfólks og er nauðsynlegur í baráttunni við útbreiðslu Covid-19 veirunnar. Bannið tekur þannig ekki til EFTA-ríkjanna innan EES, útflutningur á framangreindum búnaði verður því áfram heimill og þarfnast ekki sérstakra leyfa.

Þetta var ákveðið á fundi framkvæmdastjórnar ESB í Brussel í kvöld og mun leiðrétt reglugerð, sem tryggir að útflutningsbannið nær ekki til EFTA-ríkjanna, því taka gildi í stað þeirrar sem fyrir var. Að óbreyttu hefði slíkt bann haft þau áhrif að ekki mætti flytja þennan búnað frá ESB til Íslands án sérstaks útflutningsleyfis.

„Ég fagna því að Evrópusambandið hefur ákveðið að standa við skuldbindingar sínar gagnvart EFTA-ríkjunum og viðurkennt stöðu okkar og réttindi á innri markaðinum. Ég gerði ekki ráð fyrir öðru en sambandið myndi sjá að sér en við áttum náið og gott samstarf við stjórnvöld í Noregi og annarra EFTA-ríkja til að tryggja að svo yrði,“ segir Guðlaugur Þór Þórðarson, utanríkis- og þróunarsamvinnuráðherra.

Fyrr í dag áttu þær Katrín Jakobsdóttir, forsætisráðherra, og Ursula von der Leyen, forseti framkvæmdastjórnar ESB, símafund þar sem fram kom hjá Ursula von der Leyen að hún myndi beita sér fyrir lausn málsins.