Hvernig á að bregðast við öldrun þjóða?????

Skaðleg áhrif fóstureyðinga er óðum að koma í ljós.

Hlutfall aldraðra eykst á kostnað þeirra sem ungir eru. Það stefnir óðum í að fjöldi þeirra sem ekki teljast ellilífeyrisþegar, á móti fjölda hinna öldruðu, verður svo fáir að þeir geta ekki haldið kerfinu gangandi.

Hvað verður þá til ráða???? Mun þá kerfið telja eðlilegt að fækka í hópi ellilífeyrisþega og byrja þá á þeim sem komu í veg fyrir að halda þjóðinni ungri???? þ.e. ellieyðing í stað fóstureyðingar?????  Mér er spurn!!!!!

Verða að bregðast við öldrun þjóða

Athugasemdir

[Jón Valur Jensson, 17.10.2018 kl. 15:33]

Þakka þér, Tómas, fyrir þessi varnaðarorð þín. Og lokaorð þín eru alls ekki fráleit, enda er þegar byrjað að gylla "líknardráp" í augum almennings með greinaskrifum og viðtölum í fjölmiðlum og beinlínis með frumvarpi á Alþingi!!

En ...

Þegar fæðingum þyrfti (miðað við frjósemina 2017) að fjölga hér um 19% til þess að þjóðin geti staðið í stað í mannfjölda næstu áratugi, er þá lausnarorð yfirvalda að gylla fyrir konum og pörum fóstureyðingu (jafnvel með ósvífna fegrunarorðinu "þungunarrof"!) sem frjálsa og fría og í langtum lengri tíma en áður! Er ríkisstjórnin, sem er að spá í þetta sem stjórnarfrumvarp, alveg úti á þekju? Verstu braggamistök borgarstjórnar Reykjavíkur gætu aldrei skaðað þjóðina í þeim mæli sem hér er að stefnt, því að með þessum hugmyndum verður tímgunin trúlega ekki 1,7 börn á hvert par eins og nú (miðað við fæðingar í fyrra), heldur einhvers staðar á bilinu 1,2-1,5 börn.

Og svo eru það sjálf grimmilegu drápin á verulega þroskuðum fóstrum, sem virðast ekkert standa í þessum yfirvöldum okkar, stefna frekar að útvíkkun á heimildum til þess, allt að lokum 18. viku meðgöngu, jafnvel þeirrar 22., sem mun auka kvöl margra ófæddra í drápsaðgerðinni!-- sbr. hér:

Vísindarannsóknir: ótvírætt að mannsfóstur hefur fullt sársaukaskyn 20 vikum frá getnaði (finnur sennilega til löngu fyrr)

Getur nokkur, sem er annt um lífsréttinn, kosið þessa ráðandi fósturvígsflokka?

[Tómas Ibsen Halldórsson, 17.10.2018 kl. 16:46]

Þakka þér Jón Valur gott innlegg þitt hér.

Varnaðarorð Páls postula sem hann ritar í öðru bréfi sínu til Þessaloníkumanna 2.kafla trúi ég að eigi hér vel við, en þau eru þessi:

¹En að því er snertir komu Drottins vors Jesú Krists og það, að vér söfnumst til hans, biðjum vér yður, bræður, ²að þér séuð ekki fljótir til að komast í uppnám eða láta hræða yður, hvorki af nokkrum anda né við orð eða bréf, sem væri það frá oss, eins og dagur Drottins væri þegar fyrir höndum. ³Látið engan villa yður á nokkurn hátt. Því að ekki kemur dagurinn nema fráhvarfið komi fyrst og maður syndarinnar birtist. Hann er sonur glötunarinnar, ⁴sem setur sig á móti Guði og rís gegn öllu því, sem kallast Guð eða helgur dómur. Hann sest í musteri Guðs og gjörir sjálfan sig að Guði.

⁵Minnist þér ekki þess, að ég sagði yður þetta, meðan ég enn þá var hjá yður? ⁶Og þér vitið, hvað aftrar honum nú, til þess að hann opinberist á sínum tíma. ⁷Því að lögleysið er þegar farið að starfa í leyndum og stendur ekki á öðru en að þeim verði burt rýmt, sem nú heldur aftur af. ⁸Þá mun lögleysinginn opinberast, - og honum mun Drottinn Jesús tortíma með anda munns síns og að engu gjöra þegar hann birtist við endurkomu sína. ⁹Lögleysinginn kemur fyrir tilverknað Satans með miklum krafti, lygatáknum og undrum ¹⁰og með alls konar ranglætisvélum, sem blekkja þá, sem glatast, af því að þeir veittu ekki viðtöku og elskuðu ekki sannleikann, svo að þeir mættu verða hólpnir. ¹¹Þess vegna sendir Guð þeim megna villu, til þess að þeir trúi lyginni. ¹²Þannig munu allir þeir verða dæmdir, sem hafa ekki trúað sannleikanum, en haft velþóknun á ranglætinu.

Þetta eru alvarleg orð, en Guði sé lof, Drottinn hefur undankomuleið fyrir alla þá sem til Hans leita.  Því að Jesús Kristur (Messías) kom til að frelsa synduga menn, en öll höfum við syndgað og skortir Guðs dýrð eins og Páll ritar í Rómberjabréfinu 3.kafla, en náðargjöf Guðs er eilíft líf fyrir samfélag okkar við Jesú Krist Guðs son. Þannig að það eiga allir von, þeir verða bara að leita eftir henni, snúa sér til Guðs og leyfa Honum að komast að í lífi sínu svo Hann geti hreinsað til og skapað nýjan einstakling er leitast eftir því að gera og vera í Guðs vilja.

 

 

[Jón Valur Jensson, 17.10.2018 kl. 18:13]

Vel mælt, með Guðs orði, þakka þér fyrir þetta, Tómas.

[Guðjón Bragi Benediktsson, 17.10.2018 kl. 19:07]

Já, guðleysið tröllríður öllu hér. Ég vona að það komi kristileg andleg vakning yfir þjóðina áður en allt fer til fjandans hér á Fróni.  Áætlun óvinarins með hina kristnu álfu, Evrópu og Ísland er afkristnun og fólksfækkun með öllum tiltækum ráðum. Markmiðum fólksfækkunar skal náð með líknarmorðum, frjálsum fóstureyðingum, útrýmingu kynbundins launamunar (sem er sama og minni frjósemi kvenna, þ.e. fækkun fæðinga), samfélagsleg tignun náttúrulega ófrjórra samkynja kynferðissambanda, fjölgun ófrjósemisaðgerða o.s.frv. Varðandi hraða afkristnuninnar hryllir mig við því hvert stefnir með þessa menningu dauðans og finn andblástur And-kristsins svo til við hálsmálið. 

[Jón Valur Jensson, 17.10.2018 kl. 22:57]

Vissulega, Guðjón Bragi, en gott er að sita, að enn eru til vakandi kristnir menn yfir þessum málum.

[Jón Valur Jensson, 17.10.2018 kl. 22:57]

Gott er að VITA ...