Náttúruspjöll á ábyrgð ríkisins

Með því að meina Geysismönnum að rukka fyrir aðgang að Geysissvæðinu og með tómlæti að öðru leyti hvað þetta mikilvæga en viðkvæma svæði varðar, ber ríkisvaldið höfuð ábyrgð ef þessar perlur okkar verða lagðar í rúst.

Ekki veit ég hvaða skaða þessi svokallaði listamaður hefur valdið, en aðför hans sýnir svo ekki verði um villst að brýn nauðsyn kallar eftir aðgerðum á þessu svæði og ekki síst þörf á öflugri öryggisgæslu.

Að hleypa þessum manni úr landi án þess að hann hafi verið látinn borga háa sekt fyrir athæfi sitt er hneisa.

Náttúrupassi mun ekki hafa neitt að segja þegar kemur að verndun viðkvæmra svæða á okkar annars fallega landi.  Ferðaþjónustan mun hrynja þegar búið verður að eyðileggja okkar helstu náttúruperlur.

Við verðum ekki bara fátækari af krónum og aurum heldur þeirrar fegurðar sem við njótum í okkar nánasta umhverfi.

 

„Ég borgaði ekki“