Hvejir eru flóttamenn í miðausturlöndum???? Myndband

Hver er sannleikurinn um flóttamennina? voru það "Palestínumenn", arabar nú eða Gyðingar???

Með því að velja vefslóðina hér að neðan má sjá athyglisvert myndband er fjallar einmitt um "flóttamennina".

http://www.aish.com/jw/me/The_Truth_about_Refugees.html#.TuZFJerbkzw.email

 


mbl.is Utanríkisráðherra Palestínu til Íslands
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Óskar

Þeir hjá Mossad eru greinilega búnir að tileinka sér youtube við að bera út lygarnar.- sorglegt þín vegna að þú trúir þessu kjaftæði.

Óskar, 12.12.2011 kl. 19:12

2 identicon

Ég er ótrúlega sátt við að samþykkja palestínu sem sjálfstætt ríki. Hinsvegar finnst mér of lítið fræðslu efni fyrir ungt fólk eins og mig til þess að fræðast um söguna og hversvegna þetta er svona.

Það þarf að gefa þessu fólki peninga til þess að ferðast til landa einsog okkar til þess að sjá hversu gott lífið er þar sem friðsælla er og fólk býr ekki í stanslausum ótta um líf sitt og svona mikla reiði.

Kolbrún Rósa (IP-tala skráð) 12.12.2011 kl. 19:31

3 Smámynd: Hjálmtýr V Heiðdal

Gaurinn í vídeóinu er aðstoðarutanríkisráðherra Ísraels. Hann er hægri - síonisti og tilheyrir þeim hóp síonista sem telur að Ísrael nái yfir miklu stærra svæði en þeir ráða nú. Og það er hans stefna að stækka Ísrael, enda hefur ríkið ekki viðurkennt nein landamæri. Þetta er hans bakgrunnur. Svo er það sem hann segir og reynir að fá illa upplýstar sálir til að trúa. Hann veit að það sem hann segir er lygi, það má kynna sér í skrifum ísrelskra sagnfræðinga. 750,000 Palsetínumenn flúðu fyrst og fremst vegna árása og hryðjuverka Haganah, og annarra hryðjuverkahópa síonista. Þetta getur þú lesið um í bókum Ilan Pappé og Nur Masalah. Gyðinganir sem fóru frá arabalöndum fóru m.a. vegna þess að ísraleskir útsendara réðust á synagógur þeirra í t.d. Kaíró og Baghdad. Þeir trúðu því að þetta væru innlendir hryðjuverkamenn sem hefðu ráðist gegn sér en voru í raun ísraelskir útsendarar. Mjög þekkt dæmi, sem nærri felldi ísraelsku ríkisstjórnina, var s.k. Lavon-mál. Googlaðu það.

Hjálmtýr V Heiðdal, 12.12.2011 kl. 19:57

4 Smámynd: Tómas Ibsen Halldórsson

Þeir sem þekkja ófalsaða sögu um stofnun Ísraelsríkis vita að hér er verið að segja söguna eins og hún var og er.

Kolbrún af hverju stofnuðu "Palestínumenn" ekki ríki um svipað leiti og Ísrael var stofnað? eða af hverju var ekki til ríki sem hét "Palestínuríki" þá þegar???  Það var vegna þess að "Palestínumenn" eru saman safn araba sem streymdu að þessu svæði um og eftir að Gyðingar hófu að safnast saman í Júdeu og Samaríu.  Jú vissulega voru þarna hirðingjar, en ekki sá fjöldi sem menn vilja vera láta, en þarna voru og hafa ávalt einnig verið Gyðingar.

Ef þið skoðið stærð Ísraelsríkis, þá er það langt innan við eitt prósent af flatarmáli miðað við öll löndin umhverfis.  Yfirlýst stefna Hamas og ýmissa múslímaþjóða s.s. Írans er að eyða, ekki bara Ísrael út af kortinu heldur öllum Gyðingum, en vinur þeirra Hitler stefndi einmitt að því sama.

Ísrael er eina lýðræðisríkið í Miðausturlöndum og þar njóta múslímskir arabar jafnt og Gyðingar fullra réttinda.  Ef þið mynduð spyrja einhvern þeirra hvort þeir myndu ekki vilja að svokallaðir "Palestínumenn" tækju völdin í Ísrael, þá er ég hræddur um að ýmsir yrðu hissa er þeir myndu svara því neitandi.  Þessir sömu múslímsku arabar hafa rétt til að kjósa, að bjóða sig fram til þingsins og þeir eiga fulltrúa á þinginu og þeir hafa átt fulltrúa í ríkisstjórn, lögfræðingar, læknar og jafnvel dómarar, en einn slíkur dæmdi fyrrum forseta til fangelsisvistar fyrir nokkrum vikum síðan.

Hér fyrir neðan er meira upplýsandi efni:

http://unitedwithisrael.org/the-video-that-is-driving-the-palestinians-crazy/

Tómas Ibsen Halldórsson, 12.12.2011 kl. 21:27

5 Smámynd: Óskar

þú ert í ruglinu Tómas.  ,,það voru hirðingjar þarna fyrir,, bíddu afhverju máttu þeir bara ekki vera þarna áfram á sínu landi? hvern andskotann var verið að troða gyðingum á þetta svæði þegar annað fólk bjó þar fyrir?  Svo kemur þú með þessi bullrök, ísrael 1% af landi nágrannaríkjanna,, bíddu hvað kemur það málinu við? Ísland er 0,0 eitthvað % af flatarmáli jarðarinnar, gefur það okkur rétt til að ráðast á nágrannaríkin ef við hefðum styrk til þess?

Eina lýðræðisríkið, já lýðræðið í ísrael er þannig að tveir fasistaflokkar skiptast á að vera við völd.  Nú réttur Araba í ísrael, já hvað ætli þessir tugir eða hundruð þúsunda Palestínumanna  sem sitja án dóms og laga í ísraelskum fangelsum finnist um þeirra rétt?  Flestir menntaðir Palestínumenn eru í fangelsum í ísrael, vegna þess að þeir eru menntaðir!  - enda sprengja ísraelsku fasistarnir reglulega upp skóla, háskóla, vatnsveitur, rafmagnsveitur og í raun allt infrastrúktúr sem Palestínumenn eiga svo þeir geti örugglega ekki byggt upp mannvænt samfélag.  

Hitler var vissulega vondur við gyðinga, en afhverju eru gyðingar þá þeir einu í heiminum í dag sem nota hans aðferðir?  Lærðu þeir kanski eitthvað á þessu?,,     ísrael er fasistaríki sem hefur í raun engan tilverurétt. Ég er samt ekki að segja að það eigi að eyða þvi, það er komið til að vera en það á að sjálfsögðu að láta nágrönnum sínum eftir að stofna sitt eigið ríki á landsvæði sem er aðeins brot af ísraelsríki af stærð.  En nei, þeir vilja frekar ófrið og halda áfram að murka lífið úr Palestínumönnum.   Þetta eru óþverrar og alveg furðulegt að trúað fólk sem þykist boða kærleika guðs er sem mest í mun að verja þessa djöfulsins morðingja.  Mikill kærleikur þar.

Óskar, 12.12.2011 kl. 22:09

6 Smámynd: Hjálmtýr V Heiðdal

Það sem er skondið við þinn málflutning Tómas er að þú veist ekkert um hvað þú ert að skrifa. Þetta eru allt lærðar tuggur, endurteknar sí of æ. Sannleikurinn er sá að evrópsku síonistar sem hertóku Palestínu 1948 eiga engar rætur í þessu landi. Landið var byggt Palestínumönnum sem eru afkomendur ýmissa þjóðabrota sem hafa búið þarna öld fram af öld. Gyðingar hafa vissulega búið í Palestínu öldum saman, en þeir eiga engan frekari rétt til landsins en Palestínumenn því gyðingar eru trúflokkur en ekki kynþáttur.

Eftir að síonistar yfirtóku Palestínu 1948 - 1967 hófu þeir að grafa eftir áþreifanlegum sönnunum þess að forfeður þeirra hefðu átt dvalarstað í „Landinu helga“. Þeir töldu mikilvægt að sýna umheiminum að goðsagan um þjóð Ísraels til forna væri sannur og áþreifanlegur grundvöllur hins nýja Ísraelsríkis. Leiðarvísir síonisku leitarmannanna var Biblían. Sannfærðir um að það tækist að finna vegsummerki um ríki Davíðs konungs og hetjudáðir Jósúa var grafið af krafti á þeim stöðum sem frásögn Biblíunnar benti á. Mikil áhersla var lögð á uppgröft í Jerúsalem, þar átti að finna sannanir fyrir glæstir fortíð gyðinga. En ekki hefur það gegnið samkvæmt vonum síonistanna.

Tveir af fremstu fornleifafræðingum Ísraels birtu niðurstöður sínar á prenti 2002:

„Það er búið að rannsaka og grafa aftur og aftur í Jerúsalem... uppgröfturinn hefur ekki skilað neinum mikilvægum sönnunargögnum fyrir búsetu á 10. öld (tímabil Davíðs og Salómons). Niðurstaðan var ekki eingöngu sú að það fundust engin merki um stórkostlegar byggingar, það vantaði einnig hin minnstu pottabrot. Þessi skortur á sönnunargögnum gat aðeins leitt til þeirrar niðurstöðu að á tíundu öld var Jerúsalem fremur lítilfjörleg, kanski var hún bara lítið dæmigert fjallaþorp“ (Finkelstein og Silberman: The Bible Unearthed: Archaelogy´s New Vision of Ancient Israel and the Origins of it´s Sacred Texts)

Ze'ev Herzog, einn þekktasti fornleifafræðingur Ísraels, prófessor í fornleifafræði við Háskólann í Tel Aviv dró saman í grein (29. okt. 1999) árangur 70 ára samfelldra fornleifarannsókna í Ísrael: „Það sem fornleifafræðingar hafa uppgötvað eftir rannsóknir í Landi Ísraels er eftirfarandi: Ísraelítar dvöldust aldrei í Egyptalandi, reikuðu ekki um eyðimörkina, hertóku ekki landið né gáfu það hinum 12 ættkvíslum. Ef til vill er erfiðast að melta þá staðreynd að voldugt ríki Davíðs og Salómons, sem samkvæmt lýsingu Biblíunnar réði stóru svæði, var í mesta lagi lítið ættflokkaveldi. Og það mun koma mörgum óþægilega á óvart að guð Ísraels, Jehova, átti sér fylginaut af kvenkyni...Þessi vitneskja hefur verið tiltæk í mörg ár, en Ísraelar eru þrjóskir og enginn vill hlusta á þetta.

Ef einhver leyfir sér að efast um áreiðanleika Biblíufrásagnarinnar þá er það álitið vera tilraun til þess að grafa undan „sögulegum rétti okkar“ og atlaga að goðsögnum þjóðarinnar sem nú vinnur að endurreisn hins gamla konungsdæmi Ísraela. Þessar goðsagnir eru taldar svo mikilvægar til að byggja upp nýja ísraelska þjóðarvitund að hver tilraun til að vefengja sannleiksgildi þeirra er mætt með andúð eða þögn.“

Í bók sinni Goðsagnir Síonismans skrifar John Rose (sem er af enskum gyðingaættum) um erfiðleika síonista við að sýna fram á einhvern rétt til lands Palestínu. Vandamálið felst m.a. í því að hið forna Ísrael, sem á að hafa verið máttugt menningarríki með merkum byggingum, hefur ekki skilið eftir neinar minjar. Þekking nútímans á fornum ríkjum byggir yfirleitt á skráðum heimildum og/eða leifum bygginga sem bera vott um menningarstig hinna horfnu þjóðfélaga. John Rose skrifar að „við höfum ekki fundið leifar ritaðra heimilda frá því tímabili sem Davíð og Salómon áttu að ríkja í hinu forna Ísrael. Og það er vandamálið. Hið skrifaða orð segir okkur til um menningarstig ríkisins...hvar eru ritaðar heimildir hins forna ísrael?“

Það ber allt að sama brunni, hið forna Ísrael er eingöngu til í texta Biblíunnar.

Hjálmtýr V Heiðdal, 12.12.2011 kl. 22:10

7 Smámynd: Stefán Ingi Guðjónsson

Ef menn vilja vita sannleikann í málinu og sleppa fúkyrðum í garð þjóðar sem hefur þurft að þjást í margar aldir þá er hér tvær bækur sem gefa rétt ljós á stöðu mála

Það er engin að segja að þeir séu fullkomnir, frekar en við hin. Það er bara dolítið erfitt að hafa nágranna á alla vegu sem vilja bara eyða þér. Það er ómögulegt fyrir ofdekraða íslendinga að setja sig í spor þeirra.

Sú fyrsta heitir Sonur Hamas. Fjallar um son eins æðsta leiðtoga Hamas. Varpar ljósi á ýmislegt sem áður var ekki vitað.

Bókin fæst í Eymundsson.

Hin bókin fæst á Amazon og er á ensku

From Time Immemorial: The Origins of the Arab-Jewish Conflict over Palestine

Stefán Ingi Guðjónsson, 12.12.2011 kl. 22:51

8 Smámynd: Tómas Ibsen Halldórsson

Hjálmtýr, þú virðist gleyma því að það voru Sameinuðu þjóðirnar sem úthlutuðu Gyðingum þetta landsvæði og vissulega var þetta landsvæði sem þeim var gefið af skapara himins og jarðar. 

Fullyrðingar þínar eru furðulegar Hjálmtýr því þvert á móti hafa fundist fjöldi ummerkja um Ísrael til forna, t.d. grátmúrinn er vestur veggur musteris Salómons, svo dæmi sé tekið.

Fyrir munn spámanna sinna varaði Guð Ísraelsmenn við að ef þeir létu ekki af sinni illu breytni og snéru sér til Hans, yrði þeim tvístrað um heimsbyggðina, en á hinum síðustu dögum myndi Hann safna þeim saman að nýju, frá öllum heimshornum.  Það er einmitt það sem hefur gerst.

Í Jeremía spámanni stendur:

29.kafli 14.vers:  14vil ég láta yður finna mig _ segir Drottinn _ og snúa við högum yðar og safna yður saman frá öllum þjóðum og úr öllum þeim stöðum, þangað sem ég hefi rekið yður _ segir Drottinn _ og flytja yður aftur á þann stað, þaðan sem ég herleiddi yður.

31.kafli 7-9:  7Svo segir Drottinn: Fagnið yfir Jakob með gleði og kætist yfir öndvegisþjóð þjóðanna. Kunngjörið, vegsamið og segið: Frelsa, Drottinn, þjóð þína, leifarnar af Ísrael!

    8Sjá, ég flyt þá úr landinu norður frá og safna þeim saman frá útkjálkum jarðar, á meðal þeirra eru bæði blindir og lamir, bæði þungaðar og jóðsjúkar konur, í stórum hóp hverfa þeir hingað aftur.

    9Þeir munu koma grátandi, og ég mun fylgja þeim huggandi, leiða þá að vatnslækjum, um sléttan veg, þar sem þeir geta eigi hrasað, því að ég er orðinn Ísrael faðir, og Efraím er frumgetinn sonur minn.

Esekíel 28.kafli 25:   25Svo segir Drottinn Guð: Þegar ég safna Ísraelsmönnum saman frá þjóðunum, þangað sem þeim var tvístrað, þá skal ég auglýsa heilagleik minn á þeim í augsýn þjóðanna, og þeir skulu búa í landi sínu, því er ég gaf þjóni mínum Jakob.

Sú staðreynd að Gyðingar hafa safnast saman að nýju í Ísrael er vottur þess að við lifum á hinum síðustu tímum. 

Það er ósk mín og bæn að allir mættu sjá fagnaðarerindið í réttu ljósi og snúa sér til Drottins, en endurreisn og tilurð Ísraels er einmitt vitnisburður um það að við lifum á hinum síðustu tímum.

 Grátmúrinn í Jerúsalem.

Tómas Ibsen Halldórsson, 12.12.2011 kl. 22:59

9 Smámynd: Óskar

þið trúarnöttararnir eruð furðulegt fólk.  Hvernig dettur ykkur í hug að einhver GUÐ hygli einni þjóð umfram aðrar? Hvernskonar guð væri það ef hann væri til ?  Eg veit ekki hvað fer fram í höfðinu  á fólki sem trúir þessu kjaftæði.  Með ólíkindum að á 21. öldinni sé til fólk sem afneitar vísindunum, þróunarkenningunni og margsönnuðum lögmálum útaf einni 2000 ára gamalli lygasögu. - og að verja kúgun og ofbeldi á heilli þjóð með trúarofstæki það er náttúrulega alveg útúr öllu korti.

Óskar, 13.12.2011 kl. 00:40

10 Smámynd: Jón Valur Jensson

Óskar Haraldsson fjallar hér um málin með íverðugum hætti.

Getur hann ekki skrifað hreina íslenzku hér, svo að allir skilji? Hvað er "nöttari"? Ætlast trúlausir til, að alþýðumenn skilji það?

Og í stíl óvísindalegra trúargagnrýnenda kallar Óskar Biblíuna "2000 ára gamla lygasögu" og telur sig ekki þurfa að færa nein rök fyrir svo stórtækri fullyrðingu!! Óskar, það er meira í Biblíunni en þú kemst yfir að blogga um, þótt þú hefðir 7 mannsævir til. En vitaskuld er sniðugt að þykjast eitthvað vita, ef þú ert innan um aðra eins vanþekkingarmenn. En við Tómas vitum þó betur.

Og hver var hér að afneita vísindum? Þegar þú veldur því ekki að glíma við umræðuefnið hér, þarftu þá að búa þér til eigin vindmyllu til að ráðast á–––og hvað hafðirðu upp úr því? Kannski sigur í málefnaumræðunni??!! Mér sýnist þú þvert á móti fara halloka í rökræðunni með þessu.

Og ég er viss um, að hér var Tómas ekki "að verja kúgun og ofbeldi á heilli þjóð".

Svo var Guð ekki að "hygla" Ísraelsþjóð umfram aðrar, heldur að ætla henni mikið hlutverk -- hlutverk sem hún löngum stóð ekki undir og fekk sína margítrekuðu typtan fyrir það, jafnvel leidd í ánauð um langan tíma.

Ekki var öllum þjóðum ætlað það hlutverk að þróa fram eingyðistrúna fyrir daga Krists (og siðferði á grunni hennar) með þeim háþróaða hætti, sem sjá má hjá spámönnum Gamla testamentisins, með langtum göfugri hætti en hjá þjóðunum í kring og hjá stórþjóðum fjær.

Og það var aðeins einni þjóð ætlað að ala af sér hinn líðandi þjón Guðs, Messías, þann sem í senn er Guð og maður, þann sem fullkomnaði trú Gyðinga.

Jón Valur Jensson, 13.12.2011 kl. 02:15

11 Smámynd: Jón Valur Jensson

... með óverðugum hætti ... átti að standa þarna.

Jón Valur Jensson, 13.12.2011 kl. 02:16

12 Smámynd: Jón Valur Jensson

Myndbandið með Danny Ayalon, aðstoðarutanríkisráðherra Ísraels, er bæði vandað og virðist mjög trúverðugt og er sannarlega eitthvað fyrir Íslendinga til að líta á, enda tekur það fljótt af (5½ mínúta), en er þeim mun meira fræðandi fyrir flesta. Upplýsingar þess eru í góðu samræmi um það sem ég vissi fyrir um Gyðinga-flóttamenn úr múslimsku löndunum. Við þeim var amazt og á þá ráðizt, er stofnað var til ríkis Ísraels, og fengu samt ekki að flýja til Landsins helga án þess að vera fyrst rændir eigum sínum. Um þetta hefur Hjálmtýr Heiðdal þagað sem mest hann mátti í skrifum sínum hingað til, sem og hitt, að það eru í raun múslimaríkin í kringum Ísrael sem hafa haldið Palestínumönnum niðri, m.a. ríkisfangslausum, með hjálp UNRWA, ólíkt því starfi sem unnið er af hinni almennu flóttamannahjálp SÞ (sjá myndbandið!).

Svo má Hjálmtýr gjarnan upplýsa um það, hvernig 500.000 (HH: 750.000) palestísnkir flóttamenn urðu að 4,7 milljónum á rúmlega 60 árum.

Svo er mér, sem lesnum guðfræðingi í samtíðarsögu Gamla testamentisins og ritskýringu GT, sem og í fornaldarsögu Miðjarðarhafslanda, fullljóst, að HH fer ér með hlálegt fleipur, þegar hann reynir að halda því fram, að ekki séu fullgildar sagnfræðiheimildir fyrir uppruna Gyðinga í Evrópu í ríki Júda í Landinu helga, sem og að þar var konungsríki ættar Davíðs.

Mig undrar í raun, hve herskár HH er í andvísindalegum bábiljum sínum–––því að sagnfræðin er jú vísindagrein. Honum gengi kannski betur við áróðurinn, ef hann gerðist ekki svona stórtækur í fleiprinu.

Jón Valur Jensson, 13.12.2011 kl. 03:09

13 Smámynd: Sleggjan og Hvellurinn

@Kolbrún: Já, við skulum gefa fólkinu pening til að túristast til landa eins og okkar. Money well spent ekki satt, og hvað svo? Aftur heim?

Hvað vilja annars Palestínu sinnar gera varðandi mannréttindi gyðinga á Vesturbakkanum í hinu nýja "lýðræðisþjóð Palestínu"? Munu þeir njóta fullra mannréttinda og verndun?

Annars hef ég virðað þá skoðun að Palestínumenn mega fá Gaza strip með ýmsum skilyrðum. Og Ísrael geti þá minnkað öryggisgæslu á svæðinu í áföngum með tímanum. 

En Vesturbakkinn partur af Ísrael. Það eru margir Ísrael-Arabar sem njóta réttinda og lifa góðu lífi í lýðræðisríkinu Ísrael þar sem hagvöxtur er  4,6%  síðasta ár og engin kreppa, heldur nýsköpun og uppsveifla.

Sleggjan og Hvellurinn, 13.12.2011 kl. 10:16

14 Smámynd: Óskar

Hér má sjá "góðverk" hinnar guðsútvöldu þjóðar.  http://www.ruv.is/frett/meira-eydilagt-a-vesturbakkanum

Hvernskonar fólk er það sem getur varið svona viðbjóð?  Hvernskonar fólk er það sem eyðileggur vatnsból fólks sem þegar lifir í sárri fátækt?  

Jón Valur, það sem ég kalla trúarnöttara er fólk sem er blindað af trú, svo blindað að það leggur hatur á aðra trú, jafnvel heilu þjóðirnar.  Það er svo blindað að það kýs að verja skemmdarverk, kúgun og jafnvel fjöldamorð ísraels.  Það þarf að vera eitthvað forskrúfaður í höfðinu til að verja svona viðbjóð.

Óskar, 13.12.2011 kl. 15:58

15 Smámynd: Kolbrún Hilmars

Árið 1947 samþykktu Sameinuðu þjóðirnar tillögu UNSCOP um skiptingu Palestínu. Milli gyðinga og araba. Gyðingar samþykktu (og framfylgdu ári síðar) en arabar sjálfir neituðu.

Það sem mikilvægast er í þessu samhengi er að Tyrkir (Ottoman veldið) hafði ráðið Palestínu í 800 ár þar til Bretar náðu yfirráðum í WWI. Hvorki gyðingar né arabar höfðu í nær 1000 ár haft neitt um landið að segja - en bretar gáfu báðum "trúarnötturunum" landið og ætlaðist til þess að þeir skiptu bróðurlega.

Það varð nú aldeilis ekki raunin - sem sjá má.

Kolbrún Hilmars, 13.12.2011 kl. 17:27

16 Smámynd: Kolbrún Hilmars

PS. Gaza svæðið var ekki inni á þessum tíma - Egyptar "áttu" Gaza.

Kolbrún Hilmars, 13.12.2011 kl. 17:39

17 Smámynd: Jón Valur Jensson

Ekki þekki ég til neins fólks hér á landi, sem fellur undir þessar skilgreiningu Óskars á nefndri slettu: "fólk sem er blindað af trú, svo blindað að það leggur hatur á aðra trú, jafnvel heilu þjóðirnar". –Hvaðan kemur þá orðið "nöttari"? Er það dregið af því, að menn séu "nuts about something"? En það þýðir einungis, að þeir séu vitlausir í það–––og þarf ekki einu sinni að vera neikvætt. "I'm nuts about Copin," geta menn sagt góðlátlega í góðri merkingu hins hrifna. Þurfa slettumenn hér á landi ekki að fara eftir merkingu orða? Ekki sé ég neina gagnsæja merkingu í orðinu "nöttari" sem réttlæti þetta merkingarsvið sem Óskar gefur hér upp.

En mér dettur þó í hug, að sannarlega hafi ýmsir ofsækjendur Gyðinga fallið undir þessa skilgreiningu Óskars–––bæði nazistar og jafnvel einhverjir nú á dögum; varla eru ýmsir Hamas-menn lausir við þennan ljóð á ráði sínu–––þ.e. Gyðingahatrið!

Jón Valur Jensson, 13.12.2011 kl. 18:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Tómas Ibsen Halldórsson

Höfundur

Tómas Ibsen Halldórsson
Tómas Ibsen Halldórsson
Er viðurkenndur bókari, hef áhuga á þjóðmálum, trúmálum og ýmsu öðru
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • A Syrian child

Nota bene

Tedros

https://rumble.com/vr8g4m-w.h.o.-dr.-tedros-slips-up-and-admits-some-countries-using-booster-shots-to.html

Heimsóknir

Flettingar

  • Í dag (28.3.): 0
  • Sl. sólarhring: 2
  • Sl. viku: 19
  • Frá upphafi: 0

Annað

  • Innlit í dag: 0
  • Innlit sl. viku: 19
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband