Er "Samfylkingarmaðurinn" Árni Þór ekki í vitleysum flokki?

Aðlögunarferlið sem Íslandi er ætlað að fara í gegnum áður en ESB samþykkir aðgang okkar að sambandinu er ekkert annað en innlimun, hægt og bítandi.

Ætlar ríkisstjórnin og flokkar þeirra virkilega að ganga í gegnum þessa aðlögun áður en kosið verður um hvort við viljum þetta ferli eða ekki?

Hvað gerist svo þegar þjóð og þing fellir "samninginn" um inngöngu í ESB? verður aðlögunin látin ganga til baka?

Hvað með alla þá fjármuni sem ESB ætlar að láta í þetta ferli? verðum við ekki látin endurgreiða þessa fjóra milljarða sem þeir ætla að láta í aðlögunarferlið, auk þess sem við verðum búin að setja sjálf í þetta einn milljarð í það minnsta?  Ég hef ekki trú á því að þessir fjórir milljarðar verði bara gjöf til okkar, við verðum látin endurgreiða þá hvort sem við höfnum ESB-aðild eða ekki.

Þegar við höfum hafnað ESB-aðildinni og kastað á glæ 5 milljörðum og við síðan förum í það ferli að vinda ofan af þeirri vitleysu sem felst í aðlögunarferlinu, hvað mun það síðan kosta okkur?  Ekki geri ég ráð fyrir því að ESB muni setja svo mikið sem eina Evru í að koma hlutunum aftur í samt lag.

 

Verri kostur að hætta núna