Þar höfum við það, sannleikurinn kemur alltaf í ljós um síðir.

Fyrr­ver­andi for­seti EFTA-dóm­stóls­ins, Carl Baudenbacher, lætur mjög svo athyglisverð orð frá sér fara um þrýsting frá ESB á dómstólinn þegar þeir tóku fyrir Icesav-samninginn fyrir. Eins segir hann upphaflega samninginn, Svavars-samninginn, skrifaðan á máli Versala-samn­ing­anna, eða með öðrum orðum, einhliða-samningur. Hvað segir það okkur? jú að Svavar kom ekki heim með neinn samning heldur það sem fyrir hann var lagt. Þetta kallaði Jóhönnu stjórnin frábærann samning. Ekki skrítið að þingmenn áttu ekki að fá að sjá samninginn heldur samþykkja hann þegjandi og hljóðalaust. Það var núverandi forseti Alþingis, Steingrímur J. Sigfússon sem krafðist þess af þingmönnum.

Ótrúlegt er að til sé fólk hér á landi, fólk sem vill láta taka sig alvarlega, fólk í stjórnmálum sem leggst flatt fyrir ESB elítunni tilbúið að sleikja duftið undir fótum þeirra.

 


mbl.is Icesave var á máli Versala-samninga
Tilkynna um óviðeigandi tengingu við frétt

Kraftaverkin gerast enn

Í Tókýó Japan fæddist drengur sem vó 268 grömm, hann fæddist eftir 24 vikna meðgöngu, er nú útskrifaður og braggast eðlilega.

Þetta sýnir okkur það að lífið byrjar snemma, mjög snemma, en margir vilja ekki líta á fóstur sem mannverur heldur einhverskonar aðskotahlut sem hægt er að fjarlægja, eins og fílapensil eða vörtu.

Það getur enginn, enginn, fært sönnur fyrir því að líf byrji ekki við getnað, ekki einu sinni vísindamenn.

Börn í móðurkviði eiga að vera friðhelg. Að ráðast inn á friðhelgi barna í móðurkviði til að uppræta þau er grimmd af versta tagi. Svo hneykslast fólk yfir Hitler, Stalín, Maó, Polpot o.fl., það er bara hreinast hræsni meðan við líðum morð á ófæddum börnum.

Þjóðfélag sem ekki tekur á móti börnum opnum örmum, en vill öllu heldur eyða þeim fyrir fæðingu, á enga framtíð. Án barna verður ekkert þjóðfélag, engin framtíð.


mbl.is Minnsti drengur í heimi
Tilkynna um óviðeigandi tengingu við frétt

Þorsteinn er maður að meiri. Mættu fleiri taka hann sér til fyrirmyndar.

Í umræðum á Alþingi getur mönnum orðið heitt í hamstri, sagt hluti sem betur hefðu verið látnir ósagðir og stundum eru menn bara viðkvæmir þegar sannleikurinn er sagður, sérstaklega þegar hann kemur nærri manni.

Þorsteinn Sæmundsson þingmaður Miðflokksins er maður að meiri að biðjast afsökunar á ónærgætnum orðum er hann lét sér um munn fara og bað samþingmann sinn afsökunar á orðbragði sínu eftir snarpar umræður á þingi. Mættu fleiri þingmenn taka hann sér til fyrirmyndar.

Það sem hinsvegar vakti athygli mína og hef ég oft verið undrandi á orðalagi er snertir þungun kvenna að talað sé um þungun sem heilbrigðismál kvenna. Þungun kvenna er hinn eðlilegasti hlutur og hefur átt sér stað frá því mannfólkið varð í upphafi til. Svo er það orðalagið "þungunarrof" sem er nýyrði í íslenskri tungu, sem ég á erfitt með að sætta mig við þar sem verið er að fegra ljóta athöfn. Fóstureyðingar var lengst af notað yfir þessa athöfn, en af hverju má ekki kalla athöfnina sínu rétta nafni eða FÓSTURMORÐ eins og það í raun og veru er?

Pólitískur rétttrúnaður ríður ekki einteymingi hvorki hér á landi eða annarsstaðar í hinum vestræna heimi. Í ríki Frakka stendur víst til að banna orðin mamma og pabbi til þess að særa ekki tilfinningar samkynhneigðra [orð sem einnig er notað í pólitískum rétttrúnaði]. Hverskonar bull er þetta, hvert stefnum við sem mannkyn eiginlega? Af hverju má ekki kalla hlutina sínu rétta nafni???? Af hverju þarf sí og æ að taka tillit til sérréttinda sumra á meðan aðrir verða að sætta sig við það sem úti frís og kyngja því að þeirra réttur sé troðinn um tær???????????

Auðvitað eigum við að umgangast hvert annað af virðingu og kærleika, en að sumir fái sérmeðferð til þess að pólitískur rétttrúnaður sé uppfylltur er hreinasta hræsni og ætti ekki að líðast. Þetta kjaftæði er komið út í öfgar og fer versnandi eftir því sem á líður.

Við vorum ekki sköpuð fyrir þessa vitleysu, heldur til að umfaðma GUÐ, sköpun GUÐS, okkur sjálf, náunga okkar og öll börn, fædd sem ófædd.

Mætti Alþingi Íslendinga fara að snúa sér að því að vinna landi og þjóð heill, en ekki þessum endalausu sérmeðferðum fyrir fólk sem kann svo ekki að meta það sem að því er rétt, eins og óþekkir krakkar.


mbl.is Þorsteinn bað Þórhildi afsökunar
Tilkynna um óviðeigandi tengingu við frétt

Melissa Ohden átti að deyja, en hún lifði af og hún lifir enn til að segja sögu sína.

Melissa Ohden átti ekki að lifa, hún átti að deyja. Árið 1977 var gerð tilraun til að deyða hana áður en hún fæddist. Líflátið misheppnaðist og er Melissa þakklát fyrir það. Hér í myndbandinu fyrir neðan segir Melissa sögu sína í viðtali við The Daily Caller.

Fjöldi annarra slíkra dæma er til á youtube sem vert er að hlusta á, vitnisburðir þeirra sem áttu ekki að sjá dagsins ljós.

Skömm er þeim sem vilja deyða ófædd börn og það í skugga "heilbrigðiskerfisins" og skugga "lagasetninga" sem eru ekkert annað en ólög. Sá sem allt veit, allt sér, Guð almáttugur, mun ekki láta þessar aðgerðir óátaldar. Við höfum tækifæri til að snúa af þessari illu braut, iðrast og biðja Guð fyrirgefningar, enn er von. Ekki láta sem allt sé í lagi vegna þess að "lögin" segja það. Guðs lög eru æðri manna lögum, dómur okkar verður í samræmi við Hans lög ekki lög manna.


Um bloggið

Tómas Ibsen Halldórsson

Höfundur

Tómas Ibsen Halldórsson
Tómas Ibsen Halldórsson
Er viðurkenndur bókari, hef áhuga á þjóðmálum, trúmálum og ýmsu öðru
Feb. 2019
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28    

Nýjustu myndir

  • A Syrian child

Nota bene

Tedros

https://rumble.com/vr8g4m-w.h.o.-dr.-tedros-slips-up-and-admits-some-countries-using-booster-shots-to.html

Heimsóknir

Flettingar

  • Í dag (28.3.): 0
  • Sl. sólarhring: 2
  • Sl. viku: 19
  • Frá upphafi: 0

Annað

  • Innlit í dag: 0
  • Innlit sl. viku: 19
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband