Stöndum með lífinu höfnum dauðanum.

28.4.2017 | 20:27

Stöndum með lífinu höfnum dauðanum.

Hvernig má það vera að "upplýst" þjóðfélag sé að eyða einstaklingum i móðurkviði og koma þannig í veg fyrir eðlilega endurnýjun þjóðfélagsins??? Það er ekkert eðlilegt við það að fósturdeyðingum fari fjölgandi hér á landi. Þjóð sem vill láta kalla sig félagslega sinnað með jafnrétti og bræðralag að leiðarljósi getur ekki verið alvara þegar kemur að þeim óhugnaði sem deyðing á fóstri (einstaklingi) á sér stað.

Tvískinnungur þjóðfélagsins er alger þegar kemur að fósturdeyðingum, þar sem einstaklingar sem aldrei hafa gert neitt rangt og hafa ekki tök á að bera hönd fyrir höfuð sé, en flestum virðist þykja sjálfsagður hlutur. Sömu aðilar geta ekki heilum á sér tekið þegar kemur að því að fólk er tekið af lífi fyrir hræðilega glæpi. Á landi okkar eru hins vegar fólk sem fremur glæpi, grófa glæpi s.s. morð, líkamsmeiðingar, nauðganir o.fl. fá mjög svo væga dóma. Fyrir morð fá gjörendur 16ára dóm og er komið út löngu áður en sá tími er liðinn. En börn í móðurkviði fá dauðadóm þrátt fyrir sakleysi sitt og það án dóms og laga.

Þetta er skelfilegt og á ekki að þekkjast í velferðarþjóðfélagi sem státar af því að allir hjálpi öllum í gegnum skattakerfið og félagslega þjónustu. Ljótur lýti á samfélagi okkar sem stendur einna best af vígi efnahagslega þegar borið saman við flest önnur lönd.

Það eru til mörg úrræði fyrir konur og börn þeirra í þjóðfélagi okkar og hægt er að gera enn betur.

Leyfum afkomendum okkar að lifa, elskum þau, veitum þeim framgang, tökum þeim opnum örmum.

Þjóðfélag sem hafnar afkomendum sínum er illa á vegi statt og á ekki von um bjarta framtíð. Dómur Guðs vofir yfir þjóðfélagi okkar snúum við ekki af þessari ljótu braut. Iðrumst synda okkar að hafa ljáð þessum ljótu aðgerðum samþykki okkar. Snúum frá þessum illu gjörðum áður en það verður of seint.

Stöndum með lífinu höfnum dauðanum.