Guð er að kalla þig til fylgdar við sig.

Guð er NÁÐUGUR, HEILAGUR OG RÉTTLÁTUR en við mannfólkið erum öll syndarar, við höfum öll brotið af okkur á einn eða annan veg og fyrir Guði er allt ranglæti synd og þar er enginn mælikvarði á hvað er lítil synd og hvað er stór synd.  Í Rómverjabréfinu 3.kafla vers 23-25: ²³Allir hafa syndgað og skortir Guðs dýrð, ²⁴og þeir réttlætast án verðskuldunar af náð hans fyrir endurlausnina, sem er í Kristi Jesú. ²⁵Guð setti hann fram, að hann með blóði sínu væri sáttarfórn þeim sem trúa. Þannig sýndi Guð réttlæti sitt, því að hann hafði í umburðarlyndi sínu umborið hinar áður drýgðu syndir, ²⁶til þess að auglýsa réttlæti sitt á yfirstandandi tíma, að hann sé sjálfur réttlátur og réttlæti þann, sem trúir á Jesú. ²⁷Hvar er þá hrósunin? Hún er úti lokuð. Með hvaða lögmáli? Verkanna? Nei, heldur með lögmáli trúar.

Í Jóhannesarguðspjalli 3.kafla vers 16-21:

 ...¹⁵svo að hver sem trúir hafi eilíft líf í honum. ¹⁶Því svo elskaði Guð heiminn, að hann gaf son sinn eingetinn, til þess að hver sem á hann trúir glatist ekki, heldur hafi eilíft líf. ¹⁷Guð sendi ekki soninn í heiminn til að dæma heiminn, heldur að heimurinn skyldi frelsast fyrir hann.

¹⁸Sá sem trúir á hann, dæmist ekki. Sá sem trúir ekki, er þegar dæmdur, því að hann hefur ekki trúað á nafn Guðs sonarins eina. ¹⁹En þessi er dómurinn: Ljósið er komið í heiminn, en menn elskuðu myrkrið fremur en ljósið, því að verk þeirra voru vond. ²⁰Hver sem illt gjörir hatar ljósið og kemur ekki til ljóssins, svo að verk hans verði ekki uppvís. ²¹En sá sem iðkar sannleikann kemur til ljóssins, svo að augljóst verði, að verk hans eru í Guði gjörð."

Kafli 11 vers 25: ²⁵Jesús mælti: "Ég er upprisan og lífið. Sá sem trúir á mig, mun lifa, þótt hann deyi. ²⁶Og hver sem lifir og trúir á mig, mun aldrei að eilífu deyja. Trúir þú þessu?"

Kafli 14 vers 6-7: ⁶Jesús segir við hann: "Ég er vegurinn, sannleikurinn og lífið. Enginn kemur til föðurins, nema fyrir mig. ⁷Ef þér hafið þekkt mig, munuð þér og þekkja föður minn. Héðan af þekkið þér hann og hafið séð hann."

Margir aðrir ritningarstaðir sem fjalla um kærleika Guðs hvernig Hann réttlætir okkur fyrir trúna á Hann og samfélag okkar við Jesú, en ég læt þetta duga í bili.

Guð er að kalla þig til fylgdar við sig.

Ritningarstaðir úr Jóhannesarguðspjalli

Jóhannes 11.kafli, vers 25-26 og vers 40

²⁵Jesús mælti: "Ég er upprisan og lífið. Sá sem trúir á mig, mun lifa, þótt hann deyi. ²⁶Og hver sem lifir og trúir á mig, mun aldrei að eilífu deyja. Trúir þú þessu?"

⁴⁰Jesús segir við hana: "Sagði ég þér ekki: ,Ef þú trúir, munt þú sjá dýrð Guðs'?"

Skýringin á lélegri útkomu Sjálfstæðiskvenna í prófkjörum flokksins hlýtur að liggja hjá þeim sjálfum.

Ég held að konur í Sjálfstæðisflokknum ættu að spyrja sjálfa sig af hverju fór sem fór. Getur verið að svarið liggi hjá þeim sjálfum? Voru það bara karlmenn sem kusu í prófkjörunum? Hvað varð um atkvæði kvenna, fengu konur ekki atkvæði þeirra? af hverju ekki?

Halda konur í Sjálfstæðisflokknum að karlarnir í flokknum hafi notað Hillary Clingon aðferðina og stolið sigrinum?

Ég held að skýringin á lélegri útkomu Sjálfstæðiskvenna í prófkjörum flokksins hljóti að liggja hjá þeim sjálfum.

 

Vill að niðurstöðunum verði breytt

Hrörnun Evrópu. Af hverju eru Þýsk, Tékknesk og Finnsk stjórnvöld að hvetja almenning til að eiga birgðir matar og vatns til tíu daga? Hvaða hamfarir eiga þau von á???

Hverju má Evrópa eiga von á næstu misserin? Er eitthvað ógnvænlegt í vændum? Af hverju eru Þýsk, Tékknesk og Finnsk stjórnvöld að hvetja almenning til að eiga birgðir matar og vatns til tíu daga? Hvaða hamfarir eiga þau von á???

Ef Evrópsk stjórnvöld eru að hvetja borgara sína til að eiga varabirgðir til tíu daga, er ljóst að þau vita eitthvað sem almenningur veit ekki. Eitthvað er í aðsigi, eitthvað sem mun væntanlega koma almenningi í opna skjöldu.

Erum við, Íslendingar, viðbúin hamförum af náttúrunnar völdum, efnahags völdum, stjórnmála völdum eða öðrum mannlegum völdum???

Getur verið að við þurfum að íhuga hvað við myndum gera ef fjármálakerfi heimsins hryndi og þar með hið íslenska? Margir sérfræðingar á efnahagssviðinu hafa verið að vara við efnahags hruni sem yrði margfalt alvarlegra en það sem átti sér stað 2008.

Ýmis alvarleg merki hafa verið á sveimi þess eðlis að menn sem fylgjast grannt með efnahags þróun á heims vísu hafa verulegar áhyggjur af því sem er í vændum. Þá er ekki einvörðungu Evrópa sem færi illa út úr slíkri kreppu heldur öll heimsbyggðin.

 

 

Hvað er rétt í fréttaflutningi um forsetabaráttuna í Bandaríkjunum?

Án þess að taka afstöðu til Trump, það eru vafalaust margir gallar í fari hans, þá verð ég þó að segja að "yfirburðir" Clinton eru verulega ýktir af "main stream media" helstu fjölmiðlum vestanhafs, en þeir eru allir á bandi Clinton, auk þess sem þeir eru flestir í eigu sömu aðila.

Óheiðarleiki Clinton og spillingin sem hefur umlykið hana eru að opinberast hvert af öðru. Lygar hennar eru að koma henni sjálfri í koll. Sú staðreynd að hún sem utanríkisráðherra seldi erlendum þjóðhöfðingjum, stjórnmálamönnum og öðrum "mektar"mönnum aðgang að Bandarísku stjórnkerfi og greiddi þeim þannig leið í gegnum kerfið og liðkaði fyrir um "viðskipti" fyrir mútur og hagnaðist þannig um hundruð þúsunda ef ekki milljarða dollara.

Ekki fjalla helstu fjölmiðlarnir vestan hafs heldur um veikindi hennar, veikindi sem hafa verið að hrjá hana undanfarna mánuði og geta torveldað henni í starfi sem forseta eins öflugasta ríkis veraldar.

Fjölmiðlanir vestra eru mjög uppteknir af neikvæðum fréttum af Trump og gera ýmislegt til að sverta hann, á sama tíma og þeir hlífa Clinton.

Ýmsar nýjar skoðanakannanir sýna að Trump hafi yfirhöndina.

Myndbönd af fundum þeirra sýna yfirgnæfandi fleiri þátttakendur á fundum hjá Trump en hjá Clinton.

Hvað er rétt í fréttaflutningi um forsetabaráttuna í Bandaríkjunum? Svarið er að fjölmiðlar eru hlutdrægir, alveg eins og hér á landi, þeim er ekki treystandi til að segja satt og rétt frá.

 

 

Veikleikar Trump birtast í nýrri könnun

Hillary Clinton reynir að skjóta sendiboðann og beina þannig athyglinni frá boðskapnum sem hann hafði að flytja.

Ég held að Hillary Clinton ætti að hafa áhyggjur af innihaldi þeirra gagna sem opinberuð hafa verið fremur en hverjir það voru sem komust yfir þau gögn. Gögnin sem opinberuð hafa verið sýna hversu spillt hún er og ætti Bandaríska þjóðin að hafa verulegar áhyggjur komist hún til valda sem forseti þeirra.

Hillary Clinton reynir að skjóta sendiboðann og beina þannig athyglinni frá boðskapnum sem hann hafði að flytja.

Vekur alvarlegar spurningar

Er það okkur til góðs að vera í A-flokki greiningarfyrirtækja?

Síðast þegar Ísland komst í A-flokk greiningarfyrirtækja var í aðdraganda fjármálahrunsins 2008. Nú er Ísland enn á ný komið í þennan vafasama flokk. Af hverju segi ég vafasama flokk? Jú við Íslendingar lærum yfirleitt seint af mistökum okkar. Nú segja menn að allt sé í stakasta lagi, allt á uppleið og bara bjart framundan. Ég vil hins vegar vara við of mikilli bjartsýni og minna menn á að allt var í góðu lagi og allt á uppleið árið 2008 þegar skyndilega hrunið dundi yfir okkur og við óviðbúin. Reyndin virðist vera sú að sagan endurtekur sig og ef við gætum ekki að okkur lendum við í annarri kreppu áður en varir.

Nú kappkosta menn að byggja, helst hótel og þess háttar, í von um að milljónir ferðamanna sæki Ísland heim árlega um ókomna framtíð. En hvað ef sú staða kæmi upp að ferðamenn hafa ekki lengur efni á að koma til Íslands og ferðamanna-straumurinn hrapi niður úr öllu valdi? erum við undirbúin undir slíkt? Eru aðrar atvinnugreinar tilbúnar að taka við keflinu og halda velmegun þjóðarinnar á lofti?

Er það virkilega gott fyrir okkur að vera skráð í A-flokk greiningarfyrirtækja? ég bara spyr, sí svona.

 

Viðurkenning á góðri efnahagsstjórn