Eru forseti, ráðherrar og þingmenn meira virði en öryrkjar og ellilífeyrisþegar?

Það mætti halda að líf og tilvera þingmanna, ráðherra og forseta séu meira virði en líf ellilífeyrisþega, þeirra sem hafa lagt grunninn að því velferðarþjóðfélagi sem við byggjum.

Laun forsætisráðherra hækka um ca. tvöföld laun ellilífeyrisþega, þeirra sem ekki hafa haft því láni að fagna að hafa greitt í lífeyrissjóði þingmanna og ráðherra.

Líta ráðamenn á öryrkja og ellilífeyrisþega bara sem einhverskonar ruslalýð sem má bara kasta skiptimynt í svona þegar þeim hentar???? Á meðan ráðamenn fá launahækkanir sem eru á við margföld mánaðarlaun hinna öldnu og öryrkja eru síðarnefndi hópurinn látinn bíða í meira en ár eftir smánar leiðréttingu.

Það er skammarlegt hvernig komið er fram við þá sem stóðu í eldlínunni fyrir okkur og byggðu landið sem við erfum. Viljum við að afkomendur okkar komi svona fram við okkur þegar við verðum gömul og þurfum að þiggja lífeyri vegna aldurs eða örorku??????

Laun forseta hækka um hálfa milljón

Vangaveltur í kjölfar Alþingiskosninga

Píratar vildu bjóða landsmönnum uppá annan valkost en þann sem við höfðum í fráfarandi ríkisstjórn. Landsmenn höfnuðu valkosti Pírata svo um munar. Eftir að hafa mælst með hreinan meirihluta og stjórnarmyndunar viðræður hafnar við Vinstri græna, Samfylkinguna og Bjarta framtíð, sáu landsmenn sig tilknúna til að taka af skarið. Fólk sem var ekki öruggt með hvað það ætti að kjósa sá sig tilknúið að kjósa Sjálfstæðisflokkinn þar sem hann var einn í þeirri stöðu að vera mótvægi við þá ógn sem önnur vinstristjórn var fyrir landsmenn. Flestir landsmenn gátu ekki hugsað sér annað eins tímabil og við höfðum á árunum 2009 til 2013, þ.e. þeir sem enn muna það tímabil.

Sjálfstæðisflokkurinn sem var vanur að hafa fylgi á bilinu 35 til 42% hefur nú um langt skeið mælst um og innan við 25% í skoðanakönnunum. Niðurstaðan eftir kjördag var hins vegar 29% og vil ég meina að það sé vegna þess að fólki óaði við nýrri vinstri stjórn. Þökk sé Pírötum fyrir að hafa opnað augu almennings fyrir þeim möguleika.

Það ætti að vera formanni og forustu Sjálfstæðisflokksins umhugsunar efni af hverju flokkurinn sé ekki stærri en raun ber vitni. Flokkurinn fékk ekki 29% vegna þess að fólk sé svo ánægt með Bjarna sem formann heldur sú staðreynd að ógn steðjaði að þjóðinni frá vinstri væng stjórnmálanna og þess vegna ákváðu margir á ögurstundu að ljá flokknum atkvæði sitt. Það er ekki nóg fyrir Bjarna að benda á að kratarnir í Sjálfstæðisflokknum hafi yfirgefið flokkinn og stofnað nýjan krataflokk, en stór hluti Samfylkingaratkvæða trúi ég að hafi farið yfir á Viðreisn.

Fyrir síðustu kosningar, árið 2013, lofuðu stjórnarflokkarnir að leiðrétta og laga hag örorku- og ellilífeyrisþega. Aðgerðir sem Bjarni kynnti nú fyrir stuttu voru allt of litlar leiðréttingar og komu allt of seint, öryrkjar og ellilífeyrisþegar láta ekki bjóða sér upp á slíka smán né launa vanvita stjórnmálamönnum með atkvæði sínu. Öryrkjar og ellilífeyrisþegar eiga að hafa nóg, eiga ekki að þurfa að lifa við það að rétt skrimta. Það er skömm hvernig komið er fram við þá sem minna mega sín í samfélaginu. Á sama tíma og laun opinberra starfsmanna, embættismanna, alþingismanna og ráðherra voru hækkuð upp úr öllu valdi var ekkert gert fyrir öryrkja og ellilífeyrisþega. Hefði Sjálfstæðisflokkurinn haft bein í nefinu og komið mynduglega til móts við þessa hópa hefði Sjálfstæðisflokkurinn náð fyrri styrkleika sínum.

Framsóknarflokkurinn má muna sinn fífil fegri, en eftir árásir RUV og stjórnarandstöðunnar á fyrrum formann flokksins ákvað stór hópur innan flokksins að taka þátt í aðförinni í stað þess að standa með formanni sínum og láta ekki drulluna yfir sig ganga. Framsóknarflokkurinn getur því sjálfum sér um kennt hvernig fór og misstu því stóran hluta þeirra atkvæða sem þeir höfðu haft af Vinstri grænum 2013 yfir til þeirra á nýjan leik.

Björt framtíð vann varnar sigur í þessum kosningum og á ég ekki gott með að sjá hvers vegna, ekki nema kannski vegna þess að sumir þeir sem voru búnir að gefast upp á Samfylkingunni kusu þá.

Píratar sem hafa lengi vel mælst stærstir í skoðanakönnunum hlutu afhroð. Það þarf enginn að segja mér að þeir hafi ekki vænst 23ja til 25% fylgi, að þeir séu bara sáttir við sitt. Staðreyndin er sú að almenningur treystir þeim ekki, þeir sem eru eldri en tvívetra gera sér grein fyrir því að hugmyndir þeirra eru barnalegar og ganga ekki upp.

Viðreisn er nýtt afl með fólki sem haldið er ESB-glíu og hefur það sama markmið og Samfylkingin að koma okkur þangað inn, þrátt fyrir gersamlega vonlausa stöðu Evrópusambandsins. Þau halda að evran geti bjargað einhverju hér á landi, en hvernig á hún að gagnast okkur á sama tíma og hún gagnast fæstum í Evrópu???????? Viðreisn tók fylgi bæði frá ESB-sinnuðum Sjálfstæðismönnum og eins frá Samfylkingunni.

Gengi Vinstri grænna vekur mér furðu. Flokkur sem hefur sýnt að honum er ekki treystandi, sem vinnur gegn eigin stefnu að þá dugi að setja fram konu með fallegt bros og þá kikni allir í knjánum og kjósa hana. Ég held að það sé eitthvað alvarlegt að þegar svo er komið að fólk kjósi slíkan flokk.

Þetta eru mínar vangaveltur eftir kosningarnar 2016 og þá er bara að sjá hvernig flokkarnir spila úr niðurstöðunni. Við þurfum á sterkri stjórn að halda, en hún þarf kannski ekki að lifa af fjögur ár, það gæti verið gott að kjósa aftur eftir tvö ár eða fyrr í von um skírari niðurstöðu.

Nú er allt á suðupotti...

...hjá Demókrataflokknum og einkum í herbúðum Hillary Clinton.

Reyndar eru forsetakosningarnar í Bandaríkjunum á jarðskjálftasvæði sem er mjög virkt þessa stundina og ómögulegt að vita hvaða afleiðingar sá stóri mun hafa á útkomu þeirra.

Fyrir um tveim árum heyrði ég konu að nafni Glenda Jackson spá því að það verða ekki haldnar kosningar nú 2016 að Obama muni með einhliða ákvörðun slá þær af og halda áfram sem forseti. Við skulum sjá hvað setur.

Sjá viðtöl og viðbrögð við nýjustu upplýsingum sem komu frá James Comey yfirmanni FBI í gær.

Þar að auki komu upplýsingar í dag frá Julian Assange um að þeir 30.000 tölvupóstar sem HC var búin að eyða úr tölvum sínum ætli þeir nú að opinbera fyrir 1.nóvember.

Það verður að segjast eins og er að maður hefur aldrei séð annað eins og manni hryllir við.

Kosningarnar hér í dag hafa fyrst og fremst áhrif hér á landi, en kosningarnar í Bandaríkjunum hafa ekki bara áhrif í Bandaríkjunum heldur út um allan heim.

Rannsaka tölvupósta Clinton á ný

Reykjavíkurborg er ekki þekkt fyrir...

... að láta lög eða dóma, jafnvel dóma Hæstarétts, þvælast fyrir sér. Meirihluti borgarstjórnar fer sínar eigin leiðir hvað sem tautar og raular. Meirihlutinn sem lofaði samræðupólitík, lýðræðispólitík og fá borgarana með í lið, lætur það ekki trufla sig þegar meirihluti borgarbúa vill allt annað en borgarstjórnar meirihlutinn, þá bara fara þeir sínar eigin leiðir eins og ekkert hafi í skorist enda óþarfi að hafa áhyggjur af kjósendum, í bili.

Borgin synjar íbúum Brynju enn um bætur

Það er gott að vera Sýrlenskur flóttamaður í Þýskalandi, sérstaklega ef þú átt margar konur og börn í samræmi við það. Getum við ekki gert betur???

Ghazia 49ára Sýrlenskur flóttamaður, múslími, kom til Þýskalands í fyrra, árið 2015, ásamt fjórum eiginkonum sínum og 23 börnum þeirra. Ghzia ásamt fjölskyldu sinni fékk hæli í Þýskalandi og þiggur nú styrki frá Þýska ríkinu. Styrkirnir sem Ghazia fær nú eru á ársgrundvelli um 360.000 evrur eða sem svarar um 45.000.000 íslenskra króna miðað við gengið í dag.

Ég er að hugsa um að flýja til Þýskalands ef kosningarnar á laugardaginn fara illa, ásamt eiginkonu minni, börnum mínum og mökum þeirra og barnabörnum.  Ég geri ráð fyrir að gefa fengið svipaða upphæð frá Þýska ríkinu og Ghazia, annað væri ósanngjarnt. Er það ekki.

Þessar upplýsingar eru fengnar úr Das Bild.

Demókrataflokkurinn er að fara á taugum, svona rétt fyrir forsetakosningarnar.

Fáránlegar eru ásakanir Bandarískra stjórnvalda þess efnis að Rússar séu að hafa áhrif á forsetakosningarnar í Bandaríkjunum. 

Þess ber að minnast að það voru Bandaríkjamenn að tilstillan Obama forseta sem reyndu að hafa áhrif á þingkosningar í Ísrael ekki alls fyrir löngu og átti að koma í veg fyrir að Netanyahu yrði áfram við völd í Ísrael. 

Bandarísk stjórnvöld hafa haft áhrif á skipun stjórnvalda víða um heim og komið fólki frá völdum sem þeim eru ekki hliðhollir. Obama og Hillary Clinton hafa ekki veri barnanna best í þeim efnum.  Því er það grát broslegt að heyra kvartanir þeirra yfir meintum afskiptum Rússa af forsetakosningum vestra, en þau reyna hvað sem er til að sverta Trump í von um að fólk sjái "saklausa" Clinton í harðri baráttu um Hvíta húsið.  Sannleikurinn er hins vegar sá að óþvera slóð fylgir henni langt aftur í tímann, löngu áður en Bill maður hennar varð forseti 1992.

Uppljóstranir um fortíð HRC og hver hún í raun er, er að valda því að Demókrataflokkurinn er að fara á taugum.

Ásakanir um afskipti Rússa „móðursýki“

Hvers vegna eykur Sjálfstæðisflokkurinn fylgi sitt milli kannana, nú rétt í aðdraganda kosninga?

Sjálfstæðisflokkurinn nýtur þess að fólki hryllir við þeirri tilhugsun að Sjóræningjar og aðrir vinstri- ESB-sinnar verði við völd eftir kosningar. Það er ekki það að fólk sé svo ánægt með Sjálfstæðisflokkinn að fylgi hans eykst milli kannana heldur óttinn við óvissu og aðra eins óreiðu og við höfðum með "Norrænu velferðarstjórnina" sálugu.

 

Sjálfstæðisflokkur með 25,1%

Hvað erum við að gera???

Dr. Anthony Levatino lýsir því hvernig fóstureyðing fer fram á einfaldan og myndrænan hátt. Lavatino hafði framkvæmt 1200 fóstureyðingar þegar augu hans opnuðust allt í einu og hann áttaði sig á því hvað hann var að gera.

Ég hvet alla til að skoða myndbandið hér fyrir neðan, það er holt fyrir okkur öll að vita í raun hvað fram fer þegar fóstri er (d)eytt.

Er það vegna þessa að það er graftarkýli eða fílapensill sem er í móðurlífi að kona fer í fóstureyðingu eða er það vegna þess að þar er lifandi mannvera sem er óvelkomin?

Það er sannanlega verðugt og þarft verk að upplýsa fólk um alvarleika þess að myrða börn, hvort heldur þau eru fædd eða ófædd. Ein ástæða þess að Guð vildi útrýma Kanaanítum á sínum tíma var sú staðreynd að þeir fórnfærðu börnum sínum á altari Móloks. Í dag er börnum fórnað á altari félagshyggjunnar og fólki finnst það ekkert tiltöku mál. Það er eins og fólk haldi að fóstur [einstaklingur á fyrsta þroskaskeiði lífsins] sé eins og einhverskonar graftarkýli eða fílapensill sem má kreist út. Fólk virðist blint á þá staðreynd að um einstakling, persónu með tilfinningar, með sitt eigið hjarta, lungu, heila og sínar eigin æðar og blóð sem er annað og jafnvel annar blóðflokkur en blóð móðurinnar.

Það er sorglegt til þess að vita að læknar, vísindamenn, stjórnmálamenn og margir aðrir líti á einstaklinginn í móðurlífi eins og einhvern aðskotahlut sem megi losa sig við. Þá er vert að minnast þess að þetta sama fólk var eitt sinn í þeirri stöðu að vera slíkur aðskotahlutur, en það fékk tækifæri til lífs og er nú í þeirri stöðu að ákveða að aðrir einstaklingar skuli ekki fá þann sama rétt til lífs.

Lífið er okkur gefið af Guði og við þurfum að varðveita lífið og vernda líf lítilmagnans.

Eigi fólk í erfiðleikum og sjá ekki fram á að geta framfleytt nýjum einstaklingi, þá má minna á að til eru úrræði sem eru betri en að eyða lífi.

Veljum lífið. Jesús sagði: "Ég kom til að gefa yður líf, líf í fullri gnægð". Mætti okkur auðnast að umfaðma sérhvert það líf sem Guð gefur.

 

Sjáðu tvíbura „slást“ í móðurkviði

Hvað er til ráða fyrir útigangsfólk nú þegar Hjálpræðisherinn er ekki lengur til staðar í Kirkjustræti?

Er ekki tilvalið að beina útigangsfólki í Ráðhúsið, það er miðsvæðis, þar er gott eldhús og þar getur það fengið meira en bara súpu. Mér skilst að þar sé mikill og góður matur á boðstólum.

Því hlýtur að vera tekið fagnandi af þeim sem þar vinna.

 

Vilja starta súpustrætó í borginni